Genaro Taldea

GENARO TALDEA BATZAR OROKORRA DEIALDIA

2011-11-11T01:49:00.000-08:00

GENARO TALDEAKO bazkideei:

Eskutitz honen bitartez Azaroaren 25 ean, ostirala, XUGA ostatuan urteko EZ-OHIKO BATZAR OROKORRA egin behar dugula jakinarazten dizugu.

Gai zerrenda hau delarik:

-Juntako kideen aldaketa.

ORDUA:

-1go konbokatoria: 19:30tan

-2. konbokatoria: 20:00tan

NON: XUGA ostatuan.

Zuen erantzuna baiezkoa delarik agurtzen gara,

I.Ibilaldi Arautua eta senidetze bazkaria , giro ederrean!

2011-06-05T10:28:00.000-07:00

Gaur goizean,eguraldi ederra lagun, Errealeko Genaro Taldeak eta Osasunako Bortzirietako Gorriak peñak antolatutako lehen ibilaldi arautua burutu da . Alkaiagako frontoitik hasi eta Lesakako Koxkila ostatuan amaitzen zen bidea egin behar izan dute parte hatzaileek.

13 bikotek hartu dute parte eta bertan irabazle Berako Eulalia Garmendia eta Faustino Errandonea Beratarrak izan dira, izan ere hauek izan ziren, 2minutu eta 28 segunduko gora beherarekin, 2 ordu, eta 22 minutuko bataz bertzeko denborara gehien hurbildu direnak.

Indarrak hartzeko, ibilbidean zehar pare bat janari/edari postu izan dituzte bertzalde, Ibilaldiaren amairen luntxa eskaini zaie parte hartzaileei eta ondotik bi peñetako kideek anai arteko bazkari batean senidetze ekitaldi bat egin dugu. amaiera aldera elkarri oroigarriak banatu dizkiogu. Bi peñak elkarlanean antolatzen dugun lehen ekitaldia izan da ibilaldi arautuarena. Aurtengoa ikusiz hurrengo urtean berriz ere errepikatzeko gogorik behintzat ez zaigu falta! milesker parte hartzaile guztiei!

Argazki bilduma:

Ibilaldi Arautua

2011-05-23T05:32:00.000-07:00

Osasunako Bortzirietako Gorriak Peñak eta Errealeko Genaro Taldeak, elkarlanean, ibilaldi arautua antolatu dute hurrengo ekainaren 5erako.Igande goizez eginen da proba eta bikoteka izanen da.

Ibilaldia Alkaiagako frontoian hasi eta Lesakan amaituko da. Lehenengo bikoteak irteera goizeko 8:30tan eginen du.

Bertzelako ibilaldiekin alderatuta ibilaldi neurtuak bere berezitasunak ditu. Kasu honetan ez du lehena iristen edo inork baino lehen amaitzen duenak irabazten. Bikote guztien denborekin bataz-bertzeko bat egiten da eta denbora horretara gehien hurbiltzen den bikoteak irabazten du.

Izen emateko 6 euro ordaindu beharko dira bikoteko, eta hortarako aurrez Lesakako Koxkila eta Berako Xuga ostatuetan izanen duzue aukera, beti ere Ekainaren 4eko arratsaldeko 16:00ak arte. Hala ere, egunean bertan ere izen emateko aukera izanen da, goizeko 8etatik proba hasi bitarte. Hori bai, irteera ordena erabakitzerako orduan lehentasuna izanen dute aurrez izen eman duten bikoteek.

Ibilbidean zehar indarrak berritzeko jan-edaneko bi postu izanen dire eta helmugan luntxa eskeiniko zaie parte hartzaileei.

Sariei dagokienean, irabazleek Txapela eta oroigarriak etxeratuko dituzte. Eskualdeko bi taldeek elkarrekin antolatzen duten lehen ekintza izanen da.

Ibilbidea zure ordenagailuan aztertu nahi baduzu, hurrengo fitxategiak deskargatu:

Google Earth: helbide ofiziala

Ibilbidearen Fitxategia: MartxaArautua.kmz

Genaro Taldearen Bufanda Salgai

2011-05-10T05:46:00.000-07:00

Gaurtik aintzinera Xuga ostatuan Genaro Taldearen bufandak eskuratu ahal izanen dire 8€-ren truke.

Partiduetarako sarrerak lortzeko aukera

2011-02-25T01:25:00.000-08:00

“GENARO TALDEA “ko bazkideei zuzenduta:

Hurrengo partiduetarako sarrerak lortzeko aukera izanen dituzue.

Liga jardunaldia asteburua bada aurreko asteko igarendera arte eta, azteazkenean bada, aurreko asteko asteazkena arte baduzue sarrerak lortzeko aukerak. Bartzelonaren kontrako partidurako ezingo dire sarrerak lortu.

Sarrera zenbakia oso mugatua da eta GENARO TALDEA-ko bazkide bakoitzak 2 sarrera hartzen ahal ditu gehienez partiduko. Sarrerak eskatzeko behean dagoen e-mailera idatzi behar duzue, izen-abizenak eta telefonoa jarrita.

Hona hemen sarreren prezioak:

Iparraldeko behekoa 20 €

Ekialdeko hego hegala 35 €

Ekialdeko goikoa 50 €

INFORMAZIO GEHIAGORAKO;

genarotaldea@gmail.com genarotaldea.blogspot.com

AUPA ERREALA !!!!!!!

II.Genaro Taldea Mus Txapelketa

2011-02-07T12:26:00.000-08:00

Aspaldi da ez dugula bloga berritu, baina ez pentsa denbora luze hontan besoak gurutzaturik egon garenik! Genaro Taldeak ekintzak antolatzen darrai. Abenduaren 26an, adibidez, eguberri egunaren biharamunari aurre egin eta aurten ere Genaro Taldeak antolatutako mus txapelketa jokatu zen. bigarren aldia da txapelketa hau burutzen dena eta aurtengoan ere antolatzaileak konten egoteko moduan gaude. 34 bikotek hartu zuten parte , hain zuzen ere joan den urtean baino bikote gehiagok.Lehen aldian bezala, hontan ere , kanporaketak Berako Errekalde, Xuga eta Fa(i)del ostatuetan jokatu ziren eta ondotik bertako irabazleek azken fasea Xuga Ostatuan. lehen saria, Etxalarko Herriko Ostatuan dastatze menua, Iratxe Ordoki eta Txema Otxotekok jaso zuten. Bigarren saria, Genaro Taldeak oparitutako Gabonetako saski bat, Karlos Ponbar eta Koldo Oiartzabalentzat izan zen eta hirugarren saria, Comercial Satrustegik oparitutako 6 botil txanpain, Agustin Olaziregi eta Antton Eskuderorentzat.

Genaro taldeak eskerrak eman nahi dizkie txapelketa hau antolatzen lagundu duten guztiei, hala nola
Etxalarko Herriko Ostatuari, Jesus Mari Satrustegiri, Xuga,Errekalde eta Faidel ostatuei eta nola ez , parte hartzaile guzieri, azken finean hauek gabe txapelketa hau antolatzea ezinezkoa litzatekeelako.

Orain Genaro Taldeak Mus txapelketa bukatu eta aintzinera begira hainbat ekintza antolatzen dihardu,...baina hoien berri aintzinerago emanen dugu, bidenabar ongi segi eta AUPA ERREALA!!

BARTZELONAKO BIDAIA (2010-xii)

2010-12-27T05:14:00.000-08:00

Pasa de Abenduaren 11 eta 12an GENARO TALDEAko kideak Bartzelonara joan ginen, 30 bat lagun bildu ginen Bartzelona-ERREALA partidua ikustera joateko. Iamotenea pareko, Toki Ona, aparkalekuan genuen hitzordua eta goizeko 9ak aldera atera ginen. Bidean geldiune bat egin genuen eta arratsalderako han ginen.

Behin gauzak hostalean utzita, partiduaren aitzineko gaua bizitzera atera ginen, eta a ze gaua!!!! errealtzaleak non-nahi eta gu tartean gozatuz.

Hurrengo egunean, partiduaren eguna, bazkaltzera atera ginen. Bazkaria La taverna del Born-en egin genuen, gure sorpresa hemen agertu zen; paperezko mantelatan Berako txistorra bertan jaten zela ageri baitzen, non eta Bartzelonan. Bazkaria umore ederrean pasa genuen eta, nola ez, Berako txistorra jan genuen.

Behin bazkari ederraz gozatu eta gero, Errealeko jokalariak zauden hotelera animatzera hurbildu ginen. Ez ginen Donostian baina Bartzelonako kaleak Donostiako alde zaharra ziruditen, ZE GIRO BIKAINA.

Partidaren ordua iritsi zen eta han geunden eskailerak goitu eta goitu gure eserlekuetara joateko. Gu jarri ginen tokian 500 bat errealtzale ginen, animatuz eta animatuz. Partidua nola akabatu zen denok dakigu, baina emaitza guttienekoa zen, ERREALA GUZTIAREN GAINETIK BAITAGO!!!!

Partidua amaitu zenean autobusa hartu eta goizeko 6 t’erdiak aldera Beran ginen.

BADALONAKO ATOTXA PEÑARI (Loren,David eta bertzeak) eskerrak eman nahiko genieke, Bartzelonan egon ginen momentu oro gurekin egon baitziren.

AUPA ERREALA !!!!!

UNAI ETA GENARO BETI GUREKIN !!!!!

BARTZELONAKO ARGAZKI GEHIAGO

argazkiak: Jon Altzuguren.

Genaro tardearen II. mus txapelketa

2010-12-17T02:27:00.000-08:00

"GENARO TALDEA"k hurrengo Abenduaren 26-an MUS TXAPELKETA antolatu du.

Berako Xuga, Errekalde eta Fidel ostatuetan jokatuko da.

Apuntatzeko egunan bertan 16:00ak baino lehen Xuga ostatuan.

Sariak hauek direlarik:

1go saria dastaketa menua 2 lagunentzako ETXALARKO HERRIKOAN

2.saria Eguberritako saski bana

3. saria cava lote bana ( Comercial Satrustegui-ren eskutik)

ANIMA ZAITEZTE

BARTZELONARA BIDAIA !!!

2010-10-13T09:11:00.000-07:00

"GENARO TALDEA"k jadanik denboraldi honetako ekitaldia bat antolatua du.
Hurrengo ABENDUAREN 11-12 bitarteko datetan BARTZELONARA joatea hain zuzen ere.

Data hauetan BARTZELONA- REAL SOCIEDAD futbol partida jolastu behar dute eta GU han egonen gara erreala animatzeko eta partiduataz disfrutatzeko.

GENARO TALDEKO BAZKIDEAK: 120€ EZ-BAZKIDEAK: 150€

(AUTOBUSA+ GAUA BARTZELONAN + PARTIDUKO SARRERA)

APUNTATZEKO: XUGA OSTATUAN, Azaroak 16a baino lehen.

ANIMATU !!!!!!!

GOAZEN ERREALA, GOAZEN TXAPELDUN !!!!!

OMENALDIA UNAI ZELAIETA / JON IRAZOKIREN XV. MEMORIALA

2010-09-03T06:02:00.000-07:00

Egun hunkigarria bizitu genuen Abuztuaren 28an Matzada futbol zelaian.
Bertan Gure-txokoak, Beti-gaztek eta Errealeko Jubenilen talde nagusiak, Unai Zelaietaren eta Jon irazokiren omenezko triangularra jolastu zuten. Partiduetako emaitzak hauek izan ziren:

GURE TXOKOA 2 - BETI- GAZTE 1
BETI-GAZTE 1 - ERREALA 1
GURE-TXOKOA 0 - ERREALA 2

Beraz irabazlea ERREALA izan zen. noski,GENARO TALDEA- rentzat emaitza guttienekoa izan zen.baina ZORIONAK Irabazleei!

Hona hemen omenaldia eta memoriala laburbiltzen dituen argazki bildumarako lotura:

http://www.flickr.com/photos/genarotaldea/sets/72157624858420320/

GENARO TALDEAko kideok eskerrak eman nahi dizkiegu Gure txokoari eta Jon Irazoki zenaren familiari, Unairi egin nahi genion (eta egin diogun)Omenaldi xumea dela eta ekitaldia XV.JON IRAZOKI MEMORIALAren barne egiteko prest agertu direlako.

bertzetik,GURE-TXOKOAKO, BETI-GAZTEKO ETA ERREALEKO JOKALARIEI ere gure eskerrik beroenak, bertan parte hartzeagatik! laister hasiko duten denboraldi berrian zorte ona opa diegu hiru taldeei.

Akitzeko,GURE-TXOKOAKO juntakoak ere ezin ahantzi, euren onarpenik gabe omenaldi hau ezingo litzatekelako aintzinera ateri. aurrerantzean ere halako ekimen gehiagotan elkarlanean segituko dugulakoan gaude.BIHOTZEZ ESKERRIK ASKO DENEI!!!!!!

GENARO ETA UNAI BETI GUREKIN !!!

JON IRAZOKI GOGOAN ZAITUGU !!!

OMENALDIA UNAI ZELAIETA / XV. MEMORIALA JON IRAZOKI

2010-08-21T13:56:00.000-07:00

Orain 10 urte guretik joan zitzaigun Unai Zelaieta, zoritxarreko egun batean (Abuztuaren 8an).

Bere heriotzaren 10.urtemuga betetzen dela eta, GENARO TALDEAK eta GURE TXOKOA elkarteak omenaldi ttiki eta xume bat egin nahi izan diogu futbol partida bat antolatuz bere oroimenez. UNAI ZELAIETA Gure txokoako jokalari ohia zen eta hil zenean Errealeko defentsa zentrala zen eta jubenil mailako kapitaina; jadanik Sanserekin entrenatzen eta jokatzen hasia zen.

Aipatu ere bai eta eskertu ere nahi dugu GENARO TALDEKOOK Gure-Txokoari eta Jon Irazokiren familiari, futbol partida JON IRAZOKIREN XV. MEMORIALAREN data berean suertatu delarik, euren oniritzia jaso izana bai MEMORIALA baita OMENALDIA ere batera egin ahal izateko. Eskerrak anitz bihotz-bihotzetik!

TRIANGULARRA BERAko MATZADA futbol zelaian izanen da arratsaldeko 5etan.

GURE-TXOKOA (NAGUSIAK), BETI-GAZTE (NAGUSIAK) ETA ERREALA (JUBENILAK)

ZATOZTE ETA PARTE HAR EZAZUE!

GENARO ETA UNAI BETI GUREKIN !!!

JON IRAZOKI GOGOAN ZAITUGU !!!

Mundialeko Porrak baditu irabazleak!

2010-07-17T12:13:00.000-07:00

Munduko Futbol Txapelketa bukatu zen,(norbait orainik enteratu ez baldin bada...).Txapelketaren amaierarekin bat, Genaro Taldeak antolatutako munduko futbol txapelketako porrak baditu irabazleak! . Taldeak aukeratzen finen ibili dena Igor Romano Lesakarra izan da eta 169 punturekin lehen sariko 162€ak poltsikoratu ditu. Bigarren postuan Ander Alzuri Beratarra gelditu da.Anderrek 163 puntu batu ditu txapelketa guzian eta 108 €-ko bigarren saria eraman du.Podiuma osatzeko, Iñigo Rodriguez ; 160 punturekin 3.sariko 54 € en jabe egin da Lesakarra. Sariak pasa den Uztailaren 17an banatu ziren Berako Xuga ostatuan

Bertzalde, Abuztuaren 28an jokatuko da Gure Txokoa Elkarteak antolatutako XV. Jon Irazoki Memoriala eta urtero bezela, aurten ere torneo triangularra izanen da. Aurtengoa hala ere urte berezia da;Abuztuaren 8an Unai Zelaietaren heriotzaren 10.urteurrena beteko dela eta horren arira aurten Genaro Taldeak ere antolakuntzan parte hartu nahi izan du. XV.Memorial hontan ,Gure Txokoako eta Beti Gazteko talde nagusiez gain Errealeko Jubenilen taldea nagusia ere ariko da torneoan. Erran bezala, abuztuaren 28an izanen da, Berako Matzada futbol zelaian.

ERREALA berriz ere LEHEN MAILAN!

2010-06-14T06:58:00.000-07:00

Lortu dugu!! Berriz ere Lehen Mailako taldea gara!!Hiru urte infernuan igaro ondotik berriz ere lehen mailara bueltatu gara! Hueska, Cordoba, Numantzia eta konpañiari (Kopako txapelketa arte behintzat) agur erran eta Bartzelona, Madril, Valencia edo Sevilla bezalako taldeen aurka ariko da Erreala!

Duela lau denboraldiko Valentziako partidu hartatik hamaika sufrimendu igaro ditugu zilarrezko mailan, baina ekaitzaren ostean barealdia omen dator eta atzokoa izan zen horren lekuko. Egun ederra atzo Errealzaleok bizi izan genuena. Donostia txuriurdinez bete zen eta noski, argazkian ageri den bezala, Genaro Taldeko kideak ere bertan izan ginen.

Goizean goiz Xuga ostatuan gosaldu eta Donostiako bidea hartu genuen.Endaia eta Irun arteko Nazioarteko Zubian topoa hartu eta ,Donostiara joan ginen bigarren mailatik lehen mailara doan "zubia".n besta koxkor bat egin bidenabar Erreala animatu asmoz.

Eguerdi aldean alde zaharreko giroaz gozatu eta Genaro Talde-ko pankarta lagun Anoetara abiatu ginen Kalejiran.Anoeta ondora iritsi eta bertako giroa ezin genezake lerro hauetan azaldu; jendetza, animoak,jokalariei egindako ongi etorria, Atano III.eko "giroa"...sobera, lerro guttitan azaltzeko!

Partiduko ordua ere ailegatu zen eta zer kontatuko dizuegu ba ez dakizuenik?hor ere giro ederra, animoak,garaipena, besta,...momentu hunkigarriak bizi izan genituen. Anoeta Inoiz bete ez den bezela bete zen ,armailak Txuri-urdin kolorekoak ziren,besta zen nagusi. pantaila erraldoian ez zuten partidu osoan ez partiduko denborarik jarri ez eta bertze zelaietako emaitzarik ere. Erlojuari begira atera behar izan genituen kontuak baina berdin zion, 0-0ekoarekin lehen mailakoak ginen, 1-0ekoarekin gehiago, eta Carlos Buenok 2-0ekoa sartu zuenean..zer erranik ez!

Epaileak azken hiru txistuak jo zituenean lehertu zen besta.Espero zena izanik ere poza izugarria izan zen.atzo ikusi ziren malko bakarrak ez ziren Griezman-enak izan.jokalariek eskeini zizkiguten hitzek aunitz hunkitu ere egin zituzten. Zelaiari itzulia ere eman zioten eta hor ere aukera izan genuen gure taldea lehen mailara eraman duten "heroiak" parean eta hurbil zirela animatzeko. Egia erran atletismo pista tartean duen zelai batean eskertzen da jokalariak hurbiltzen direnean...badakizue;"mahoma ez badoa mendira, mendia doa mahomarengana!"

Kontuak kontu: berriz ere LEHEN MAILAKO TALDE gara! gibelean gelditu dire 3 urte luze eta gogor.orain igoera ospatu, merezitako opor batzuk hartu eta aintzinera begiratzeko ordua izanen da. Bartzelona,Madril,...derbiak,...denboraldi ederra izanen da!! edo hobe izanen "dira" erranen dugu, izan ere sekula gehiago ez bajatzeko goittu gara!

Printzipioz aurtengoak akitzeko, Genaro Taldeko kideak gaur bertan ETBra goaz;ETB2ko "Uyyy" saioan ikusle bezala egonen gara! eta igoera bat ospatzeko modukoa denez, asteazkenean atsaldeko 8tan Xuga ostatuan elkartuko gara bertzeak bertzez txanpainaz igoera ospatzeko!

beraz, asteazkenera arte! GORA ERREALA!!!

uyyyy programara joateko gonbidapena

2010-06-07T01:07:00.000-07:00

UYYY PROGRAMARA JOATEKO GONBIDAPENA

Oskar Terolek aurkezten duen UYYY programara joateko gonbidapena zabaldu digute GENARO TALDEkoei. Gu ERREALA IGOTZERAKOAN han egotea nahi dute. Saioa Astelehenean izango zen (seguro aski hurrengoan) eta autobusez joanen ginateke.
Irteera 20:00tan izango zen, gero han luntx bat eskeiniko zigutelarik.
Ondoren programa izango zen eta gaueko 12 t´erdiak aldera bueltatuko ginen etxerat autobusez.

ANIMATU ETA ETORRI!!!!

Argibide gehiagorako edo/eta apuntatzeko genarotaldea@gmail.com

MUNDIALAREN PORRA Genaro taldean

2010-05-20T09:30:00.000-07:00

Surafrikan berriki hasi behar den futbolaren Mundiala aprobetxatuz, GENARO TALDEAk porra bat antolatzea erabaki du. Apuntatzeko kartelean ageri den bezala XUGA ostatuan izanen da, Ekainaren 10a baino lehen, eta inskripzioa 5 eurokoa. Argibide gehiagorako idatzi genarotaldea@gmail.com edo Xuga ostatuan galdetu.

ANIMATU ETA ZORTE ON PARTE HARTZAILEEI !!!

AUPA ERREALA !!!!

Ehun urte:Ehun bazkide...eta gehiago!

2010-04-21T13:27:00.000-07:00

EHUN BAZKIDE!Zorioneko gaude:Genaro Taldeko Bazkide zerrenda hiru zifrako zenbakitara ailegatu da. bagara Ehun! duela hilabete batzuk, taldea sortzeko ideia bolo bolo zebilenean, baikorrenak ere pentsatuko ez luken zenbakia.. Urteak adina bazkide bagara, beraz.

Orain, aintzinera begira inguratuko diren bazkide berriei ongi etorria emateaz gain, gaudenak elkartu eta taldeari beharrezkoa duen babesa ematea falta zaigu. liga amaiera gogorra bezain ederra izanen da eta Errealak gure bultzada beharko du eta!

Milesker Genaro Taldeko ehun (eta bat) bazkideei! zuek gabe hau ezinezkoa izanen litzateke!

ehun urte, ehun bazkide....eta gehiago!!

lehen mailara bidean,

Goazen Erreala,

Goazen Txapeldun!

Anoetara Irteera

2010-03-11T10:16:00.000-08:00

Heldu den apirilaren 4ean eguerdiko 12tan Real Sociedad eta Herculesek jokatuko duten partidua ikusteko ateraldia antolatu dugu.

Ateraldia autobusa+ sarrera eta bazkariak osatzen duten pack bat da.

irteera goizeko 10etan Beran, iamotenea pareko aparkalekutik

itzulera arratsaldeko 17tetan donostiatik
Prezioa: Peñako bazkideak: 30 euro
Ez direnak bazkideak: 40 euro
Apuntatzeko: Xugan ostatuan, Beran (10€ erreserba ) ASTEZKENA baino lehen.
informazio gehiagorako 680984056 (jon)

BAZKIDEEK LEHENTASUNA IZANGO DUTE

ANIMATU

Genaro Taldearen giltzariak salgai

2010-02-18T06:13:00.000-08:00

Genaro Taldearen giltzariak (llaberoak) salgai. xuga eta fidel ostatuetan egonen dire edozeinentzat salgai soilik 3€-ren truke! ez segittuan joan, momentuz ez daudelako, ondorengo orduetan banatuko ditugu.

ORAIN ERE AGARAn SALGAI!

genaro taldearen aukezpeneko

2010-02-03T14:08:00.000-08:00

2010-01-21T06:43:00.000-08:00

URTARRILAK 27, asteazkena RIKARDO BAROJA eskolako jantokian, 19:30tan INUGURZIO EKITALDIA!

2010-01-18T07:42:00.000-08:00

JOSE LUIS ORBEGOZOREN OROIMENEZ

Realeko Presidentea 1967tik 1983 arte

Reala doluan da. Gaur goizean Jose Luis Orbegozo Bazloza Jauna hil da 80 urte zituelarik. Donostian jaio zen 1929ko irailaren 2an. Txikitatik Realaren bazkide, 1966an Antxon Vega de Seoane Presidente zelarik direktiban sartu zen diruzain bezala. 1967an Presidente izendatu zuten.

Bere gidaritzapean Realak bere historiako momenturik hoberenak bizi izan zituen. Europako lehiaketetan partehartzeak, Ligako Txapledunak, Superkopa. Harrobiaren aldeko apostua egin zuen eta horrek hurbildu zien Reala Gipuzkoara. 1983 Iñaki Alkizari eman zion erreleboa. Goian bego.

Peña Plata Atxuri Urdin (Saratarren Blog-a)

2009-12-30T13:24:00.000-08:00

Gabon berriz gaztik!

"googleatzen" ibili naiz pixkot ta bilera antzintik saratarrek erran bizala, hoien bloga arrautu dut. Aunitz gustatu zait diseñuan sinpletasunagatik. Zuei ere ikustia gomendatzen dizuet. Imaginak klik egin blogera
juateko

Aritz Agirre

Txartelaren diseinua [Proposamena]

2009-12-30T13:03:00.000-08:00

Gabon gaztiak!
gaurko bileran (2009-12-30) komentatu ten bizala, arratsaldin txartela "diseñatzen" eon naiz. Eztakit zer iruittuko zaizuen, igual kasualidadez gustatuko zaizue ta dena! Pos hori, komentatu aldaketak edo diseñu aldaketak edo zuek berria proposatu!

Genaro Taldea I.Mus Txapelketa Azkarreko kronika ttikia

2009-12-27T12:57:00.000-08:00

Atzo jokatu zen Genaro taldeak antolaturiko “Genaro Taldea I.Mus Txapelketa azkarra”. Txapelketa hasi aintzinetik Jon Mikel Matxiarena, Taldeko lehendakariak, errealeko jokalariek sinatutako errealeko banderatxoa eman zion Xuga ostatuko nagusia den Txelu Oiartzabali.

Tartean, Errealeko jokalari guztiek sinatutako baloiaren zozketa egin zen eta berau "Xurdori" tokatu zitzaion. bertzela ere parte hartzaile guzien artean 12 ardo botilen zozketa egin zen txapelketa hasi aintzin ,hau ere.

4terdiak aldera hasi zen txapelketa eta bertan 31 bikotek parte hartu zuten . Xuga,Errekalde eta Faidel ostatutan jokatutako kanporaketen ondotik Xuga ostatuan jokatu ziren azken laurdenak, finalerdiak zein finala. Lau sari zeuden jokoan, lehen postutik laugarrenerarte. Lehen saria eta honenbertzez Txapelketa honetako Txapeldunak Asier Senper eta Julio Antzizarrek osatutako bikotea izan zen eta hauek eguberrietako saski eder bana etxeratu zuten. Bigarren saria Joxe Mari Lasaga “Matxako”-k eta Pello “Maritx”-ek eskuratu zuten eta hauek ere eguberrietako saski eder bana jaso zuten.

Hirugarren eta laugarren posturako lehia ere estua izan zen baina azkenean Asier Saragueta eta Aitziber Biurrunek osatutako bikoteak eraman zuen Jesus Mari Satrustegi, errealeko goleatzaile ohia eta gaur egun edari banatzaileak emandako edari lotea, hain zuzen ere hirugarren sariari zegokiona. Laugarren postuan Asier Irazoki “xolomo” eta Andoni Lasagak lortu zuten eta hauek Xuga ostatuak emandako edari lotea etxeratu zuten.

Antolatzailek eskerrak eman nahi dizkiete bai Berako Xuga,Errekalde eta Faidel ostatuei, bai eta Jesus Mari Satrustegiri ere, sarietarako borondatez emandako edari loteengatik. eta nola ez, ezin ahantzi bertan parte hartu duzuen guztiak ere, zuek gabe, txapelketa hau egitea ezinezkoa izanen baitzen.Mila esker denei!!

Genaro Taldea I.Mus Txapelketa

2009-12-20T05:48:00.000-08:00

Eguberriei begira, hurrengo iganderako(27) Mus Txapelketa bat antolatu dugu: Genaro Taldea I. mus txapelketa.hemen dituzue txapelketa honi buruzko xehetasunak.

Noiz:Abenduaren 27a

Non: Berako ostatutan

Ordua: 15:30

Izen ematea: Xuga Ostatuan

bikoteko 10 euro gostako da izen ematea.

SARI EDERRAK, eta tartean parte hartzaile guzien artean Errelako materialaren zozketa

animatu eta parte hartu!!!

Gogoeta Grafikoa

2009-12-20T05:34:00.000-08:00

Aurtengo eguberrietako turroia lidertzan janen dugu!

Sailkapena (proposamena)

2009-12-17T05:15:00.000-08:00

Egunon gaztial!
pentsatzen eon naz ta okurrittu zait sailkapen osua jarri beharrian imagen eta link batekin marca.com-eko 2. maileko sailkapenera juatia (imaginan klik itten). Erranen diazue komentarioen bidez zer irutitzen zaizue. gañera horrela ezta astero klasigikaziua eskuz eguneratu beharko.

2009-12-10T07:12:00.001-08:00

2009-12-02T14:45:00.000-08:00

Ez gara haundiak 100 urte bete ditugulako, haundiak garelako bete ditugu 100 urte!

Genaro Taldearen Bloga martxan

2009-12-02T13:50:00.001-08:00

Baztan Bidasoako Errealzaleak zorioneko gaude! Talde txuri-urdinaren jarraitzaileak elkartu eta Genaro Taldea sortu berri dugu,gaur egun 2.mailan dagoen gure taldea animatu eta lehen mailarako bidean beharrezkoa duen babesa eskeintzeko helburuarekin.bertzalde, Izenarekin , eta logoan ederki ageri den bezala, Genaro Zelaieta, gure eskualdeak eman duen futbolaririk onena, omendu nahi izan dugu, beti ere Unai Zelaieta, aitaren gisa errealean jokatutako jokalari gazteaz ahantzi gabe. Elastiko txuri-urdina jantzitakoak biak ere, koloreak sentitu eta errealzaleo eredu eta idolo izandakoak izaki, eskualdeko zaleek zor genien halako eskerroneko aitortza bat.
Bertzalde, sortu berri dugun Blog hau tresna baliagarria izanen da dudarik gabe.Bertan Genaro Taldearen inguruko berriak zein talde txuri urdinaren denboraldiaren jarraipena eginen dugu.

hau hasi bertzerik ez da egin!

Gora Erreala!!!